Qaydalar

İNNOVASİYA STARTAP KATEQORİYASI (10–16 YAŞ)

1. Kateqoriya haqqında
Innovasiya Startup kateqoriyası StepX Innovation Challenge çərçivəsində 10–16 yaş arası iştirakçılar üçün nəzərdə tutulmuşdur. Bu kateqoriya gənc innovatorların texnologiya, mühəndislik və sahibkarlıq yanaşmalarını birləşdirərək real problemlər üçün tətbiq oluna bilən, inkişaf etdirilə bilən startup yönümlü həllər hazırlamasını hədəfləyir.
Kateqoriya iştirakçıların ideyalarını yalnız texniki baxımdan deyil, eyni zamanda istifadəçi ehtiyacı, sosial və ekoloji təsir, bazar potensialı və davamlılıq aspektlərindən düşünməsini təşviq edir.

2. Tapşırıqlar və mövzu uyğunluğu
İnnovasiya startap kateqoriyasında təqdim edilən bütün layihələr StepX Innovation Challenge rəsmi tapşırıqlarına uyğun olmalıdır. Layihələr aşağıdakı mövzulardan ən azı birini əhatə etməlidir:

TAPŞIRIQ 1: Şəhərsalmada Süni İntellekt (AI)
Bu tapşırıq üzrə layihələr aşağıdakı sahələrdə innovativ startup həlləri təklif edə bilər:

* Ağıllı şəhər və şəhər idarəetmə sistemləri
* Nəqliyyat və infrastrukturun optimallaşdırılması
* Enerji və resursların süni intellekt vasitəsilə səmərəli idarə olunması
* Şəhər təhlükəsizliyi və xidmətlərin avtomatlaşdırılması

TAPŞIRIQ 2: Şəhərsalmada Green Energy (Yaşıl Enerji)
Bu tapşırıq üzrə layihələr aşağıdakı istiqamətlərdə həllər təqdim edə bilər:

* Bərpa olunan enerji texnologiyaları
* Enerji səmərəliliyinin artırılması
* Karbon emissiyasının azaldılması
* Ekoloji davamlı və yaşıl şəhər həlləri

📌 Qeyd: Komandalar seçdikləri tapşırıqla layihə arasındakı əlaqəni layihə hesabatında və təqdimatda aydın şəkildə izah etməlidirlər.

3. Gözlənilən nəticələr
Bu kateqoriyada iştirak edən komandalar:

* Real və aktual bir problemi müəyyən edəcək
* Problemə innovativ və startup yanaşması ilə həll təklif edəcək
* Texniki model, prototip və ya konseptual həll təqdim edəcək
* Layihənin kim üçün nəzərdə tutulduğunu, necə işlədiyini və hansı təsiri yaradacağını izah edəcək

Kateqoriya aşağıdakı bacarıqların inkişafına xidmət edir:

* İnnovasiya və sahibkarlıq düşüncə tərzi
* Analitik və tənqidi düşünmə
* Komanda işi və liderlik
* Təqdimat və ünsiyyət bacarıqları

4. İştirak şərtləri və komanda tərkibi

* Kateqoriya 10–16 yaş arası iştirakçılar üçün açıqdır
* Komandalar minimum 2, maksimum 3 nəfərdən ibarət olmalıdır
* Hər iştirakçı:

* Yalnız bir komandada
* Yalnız bir layihə ilə iştirak edə bilər

5. Layihə tələbləri

Orijinallıq
Layihələr tamamilə iştirakçıların öz ideyası və müstəqil işi olmalıdır.
Plagiat, hazır layihələrin kopyalanması və ya başqasının işinin təqdim edilməsi diskvalifikasiya ilə nəticələnir.

Əvvəlki istifadə qadağası
Layihə daha əvvəl:

* Yarışma
* Olimpiada
* Hackathon
* Layihə sərgisi və ya müsabiqədə

Təqdim edilməmiş olmalıdır.

Məzmun Məhdudiyyətləri
Müsabiqə çərçivəsində təqdim edilən layihələr aşağıdakı məzmun məhdudiyyətlərinə tam şəkildə riayət etməlidir:

* Zorakılığı, fiziki və ya psixoloji təzyiqi təşviq edən və ya normallaşdıran layihələr qəbul edilmir
* Ayrı-seçkiliyi, nifrət nitqini, təhqiri və ya hər hansı sosial, mədəni, etnik, dini, cinsi və ya digər fərqlər əsasında diskriminasiyanı təşviq edən məzmun qadağandır
* Etik prinsiplərə zidd olan, insan hüquqlarını pozan və ya qeyri-qanuni fəaliyyətləri təşviq edən layihələr qəbul edilmir
* İnsan sağlamlığına, təhlükəsizliyinə və ya ətraf mühitə zərər verə biləcək riskli, təhlükəli və ya məsuliyyətsiz tətbiqləri təşviq edən həllər qadağandır
* Uşaqların təhlükəsizliyinə, məxfiliyinə və hüquqlarına zidd olan məzmun qəbul edilmir
* Yanlış, aldadıcı və ya sübut olunmamış məlumatlara əsaslanan layihələr rədd edilə bilər

📌 Qeyd: Bu məhdudiyyətlərə uyğun olmayan layihələr ilkin mərhələdə və ya istənilən mərhələdə qiymətləndirmədən kənarlaşdırıla və ya diskvalifikasiya edilə bilər.

6. Layihə təqdimatı və materiallar
Komandalar aşağıdakı materialları təqdim etməlidirlər:

* Layihə hesabatı, daxil olmaqla:

* Problemin təsviri
* Təklif olunan innovativ həll
* Hədəf auditoriya
* İcra və inkişaf planı
* Sosial, ekoloji və ya texnoloji təsir
* Təqdimat materialı (PowerPoint, PDF və ya video)
* Prototip və ya konseptual model (mövcud olduğu halda)

7. Təqdimat formatı

7.1. Təqdimat müddəti
Hər komanda üçün:

* 5 dəqiqə təqdimat

7.2. Sual-cavab mərhələsi

* 3 dəqiqə sual-cavab

Vaxt limitinin aşılması münsiflər tərəfindən qeydə alınacaq

INNOVASİYA STARTUP KATEQORİYASI ÜZRƏ QİYMƏTLƏNDİRMƏ MEYARLARI

Ümumi maksimum bal: 100 bal

1. İnnovasiya və Orijinallıq – 25 bal

* Layihənin nə dərəcədə yeni və yaradıcı olması
* Mövcud həllərə nisbətən fərqlilik
* Yaradıcı yanaşma və unikal dizayn

2. Texniki Həyata Keçirilə Bilmə – 20 bal

* Layihənin real həyatda tətbiq edilə bilmə potensialı
* Texniki cəhətdən mümkünlüyü
* Prototip və ya demo mövcudluğu

3. Problem Həlli və Təsir – 20 bal

* Real problemin aydın müəyyən edilməsi
* Həllin problemə uyğunluğu
* Cəmiyyətə və ətraf mühitə potensial təsiri

4. Təqdimat Keyfiyyəti – 15 bal

* Layihənin aydın və strukturlu təqdimatı
* Vizual materialların keyfiyyəti
* Ünsiyyət və çıxış bacarığı

5. Biznes Modeli – 10 bal

* Layihənin kommersiya potensialı
* Gəlir modelinin aydınlığı
* Bazar analizi və hədəf auditoriya

6. Komanda İşi – 10 bal

* Komanda üzvləri arasında əməkdaşlıq
* İş bölgüsü və koordinasiya
* Kollektiv nəticə əldə etmə bacarığı

 ÜMUMİ MAKSİMUM BAL: 100 BAL

8. ƏQLİ MÜLKİYYƏT HÜQUQLARI

8.1. Müəlliflik hüquqları
Müsabiqə çərçivəsində təqdim edilən bütün layihələrin, ideyaların, prototiplərin, dizaynların, təqdimat materiallarının və texniki sənədlərin müəlliflik hüquqları tam və istisnasız şəkildə iştirakçılara məxsusdur.

8.2. İstifadə hüquqları
Təşkilatçılar layihələri yalnız:

* Müsabiqənin tanıtımı
* Hesabatların hazırlanması
* Media və ictimaiyyətə təqdimat
* Təhsil və nümunə məqsədli nümayiş üçün istifadə edə bilərlər.

Bu istifadə yalnız qeyri-kommersiya xarakteri daşıyır və müəlliflərin adı mütləq şəkildə qeyd olunmaqla həyata keçirilir.

8.3. Kommersiya hüquqları
Təşkilatçılar iştirakçıların layihələrini:

* Satmaq
* Lisenziyalaşdırmaq
* Dəyişdirmək
* Üçüncü tərəflərə ötürmək

hüququna sahib deyillər, əgər bu barədə iştirakçılarla ayrıca yazılı razılaşma imzalanmayıbsa.

8.4. Məxfilik və məlumatların qorunması
İştirakçılar layihə təqdimatı zamanı açıqladıqları məlumatların ictimai nümayiş üçün uyğunluğunu özləri müəyyən edirlər. Təşkilatçılar iştirakçıların icazəsi olmadan məxfi və kommersiya baxımından həssas məlumatları paylaşmamağı öhdəsinə götürür.

8.5. Hüquqi məsuliyyət
İştirakçılar təqdim etdikləri layihələrin orijinallığına və üçüncü tərəflərin hüquqlarını pozmamasına görə məsuliyyət daşıyırlar. Müəlliflik hüquqlarının pozulması halında təşkilatçılar məsuliyyət daşımır və belə hallar diskvalifikasiya ilə nəticələnə bilər.